Sindikatat: Paga minimale jo më pak se 4000 franga

Aktualisht 430 mijë të punësuar me normë të plotë marrin paga më të ulëta se 4000 franga në muaj

Federata Zvicerane e Sindikatave SGB synon që gjatë vitit të ri 2013 të merret para së gjithash me temat si pagat dhe pensionet. Kështu është thënë në konferencën vjetore për medie që ka mbajtur sot kjo federatë në Bernë.

Sipas qëndrimit të SGB, të punësuarit për punën e tyre duhet të paguhen me së paku 4000 franga në muaj. Po ashtu në federatë këmbëngulin se nuk guxon të dobësohet përkujdesja e mbështetjes materiale të moshës (pleqërisë).

Aktualisht 430 mijë të punësuar me normë të plotë marrin paga më të ulëta se 4000 franga në muaj. 140 mijë prej tyre kanë absolvuar një zanat.

Nga ana tjetër, parlamenti gjatë vitit në vijim do të trajtojë iniciativën për pagën më të ulët.