Qeni shkel të zotin me veturë!

Qeni i madh i familjes, i racës boksier kërcen në veturë dhe menjëherë shkel pedalin e gazit, duke shkelur për vdekje të zotin

Të gjithë e dimë atë të vjetrën: “Nuk e njeh qeni të zotin”, siç e kemi dëgjuar edhe proverbin se qeni është miku më i mirë i njeriut. E pra ndodhka që qeni ta njohë të zotin dhe pikërisht për këtë arsye ta sulmojë atë. Ta shkelë me veturë madje dhe ta mbysë, si në rastin e një amerikani 68 vjeçar.

James Campbell nga Florida ishte kthyer me të shoqen në shtëpi, dhe derisa ai del nga vetura për të hapur derën e garazhit, gruaja e tij mbetet që të parkojë makinën. Kur kjo, për të parë bashkëshortin, hap derën e veturës, ndodh e papritura: qeni i familjes, i racës boksier kërcen në veturë dhe menjëherë shkel pedalin e gazit. Kështu, makina godet të zotin e qenit, e shkel atë duke i shkaktuar vdekje të menjëhershme.

Ndihma mjekësore e ardhur pastaj, mundi vetëm të konstatonte vdekjen, njofton NBC. Policia është duke hetuar rastin por ende nuk ka ngritur padi ndaj bashkëshortes dhe as ndaj qenit të të ndjerit.