Dy vjet me kusht për vrasjen e shqiptarit

Sipas vendimit gjyqësor, zvicerani Alfred E. ka vrarë shqiptarin 32 vjeçar nga Kosova Luan O., kur ky i fundit bashkë me dy të tjerë kishin hyrë në oborrine tij për të vjedhur

Gjykata regjionale e Bernës i ka shqiptuar bujkut zviceran Alfred E. një dënim prej 24 muajsh me kusht për vrasjen e shqiptarit Luan O., të kryer në dhjetor të vitit 2010. Alfred E., sipas aktgjykimit nuk do të shkojë fare në burg.

Duke shqiptuar këtë masë dënimi, trupi gjykues ka ndjekur kërkesën e bërë nga prokuroria, e cila po ashtu kishte kërkuar 24 muaj me kusht, për goditje vdekjeprurëse dhe për shkelje të ligjit mbi narkotikët. Koha provuese e dënimit me kusht është dy vjet.

Alfred E., 50 vjeçar, ka vrarë shqiptarin 32 vjeçar nga Kosova Luan O., kur ky i fundit bashkë me dy të tjerë kishin hyrë në oborrin e zviceranit për të vjedhur bimë të kanabisit, që ai i kultivonte në tokën e tij pranë shtëpisë.

Alfredi, sipas interpretimit që ka bërë gjykata, e kishte ndjerë veten në rrezik dhe kishte shtënë kundër personave në fjalë me ç`rast plumbi kishte kapur tashmë të ndjerin duke ikur.