“Ikea” fiton një miliard franga më shumë në Zvicër

Prej se ka hapur dyqanet e saj të mobilieve në Zvicër, para 40 vjetësh, “Ikea” për herë të parë gjatë vitit 2012 ka arritur të kalojë profitin në më shumë se një miliard franga

Koncerni suedez i mobilieve “Ikea” është rritur në vitin 2012 në Zvicër. Deri në fund të gushtit kishte rritje në shitje për 9.5 për qind. Kompania suedeze e mobilieve ka fituar 27 miliardë euro në 298 dyqanet e saj në gjithë botën.

Krahasuar me vitin e kaluar, bëhet fjalë për një rritje prej 2 për qind. “Ikea” në fund të 2011-ës kishte hapur në Rothenburg të Lucernit edhe një dyqan tjetër mobiliesh.

Dyqanet e “Ikea”-s në Zvicër janë vizituar vitin e kaluar nga 16.2 milionë konsumatorë. Nga 139 mijë të punësuarit në mbarë botën, koncerni i mobilieve në Zvicër ka të punësuar 3 mijë persona.

Nga shtatori 2011 deri në gusht 2012 “Ikea” ka hapur 11 dyqane të reja në mbarë botën. Me këto kapacitete koncerni gjatë vitit 2012 u rrit për  4.6 për qind. Fitimi neto u rrit me 8 për qind, në 3.2 miliardë euro. 
Siç ka njoftuar të mërkurën kompania e themeluar nga Ingvar Kamprad, shitjet janë rritur në të gjitha vendet, sidomos në Kinë.