BE, 1 miliard euro për Universitetin Teknik të Lozanës

Projekti nga Lozana “Human Brain Project” është zgjedhur nga BE-ja si fitues krahas dy projekteve tjera shkencore

Bashkimi Evropian, nga fondet e veta për hulumtime shkencore ka ndarë 500 milionë euro për projektin shkencor “Human Brain Project”  të Universitetit Politeknik të Lozanës (EFPL). 500 milionët tjerë duhet të gjinden nga burime tjera, mes tjerash edhe nga Zvicra, e cila është zgjedhur fituese në konkurrencë me shtetet e BE-së.

Këtë shumë parash, Lozana do ta marrë gjatë dhjetë viteve në vijim, si mbështetje  për projektin e përmendur më lartë që përpiqet që me kompjuter të bëjë simulimin e trurit njerëzor. Përmes kësaj do të bëhet e mundur që të kuptohen më mirë sëmundjet e trurit dhe në këtë mënyrë të zhvillohen dhe testohen medikamente të reja.

Projekti nga Lozana “Human Brain Project” është zgjedhur nga BE-ja si fitues krahas dy projekteve tjera shkencore.