SBB dëmtohet nga udhëtarët pa bileta

Nga janari deri në nëntor të 2012-s janë shqiptuar rreth 585 mijë dënime për udhëtarët që kanë shfrytëzuar shërbimet e SBB-së pa një biletë të vlefshme

SBB është detyruar të anuloj gjysmën e dënimeve për udhëtarët që janë kapur pa bileta gjatë 2012-s. Me këtë vendim SBB ka humbur deri në 20 milionë franga zvicerane.

Zëdhënësi i SBB-së, Stephan Wehrle ka thënë Blick se kanë marrë një vendim të tillë për shkak rënies së trendit të pagesave nga qytetarët që kapen pa bileta..

Nga janari deri në nëntor të 2012-s janë shqiptuar rreth 585 mijë dënime për udhëtarët që kanë shfrytëzuar shërbimet e SBB-së  pa një biletë të vlefshme. Për  muajin dhjetor mungojnë të dhënat e udhëtarëve që janë kapur pa bileta.

SBB është e pafuqishme sidomos ndaj azilkërkuesve, që janë udhëtarët më të shpeshtë në të zezë.  Numri i azilkërkuesve që shfrytëzojnë transportin hekurudhor është rritur pesë herë më shumë krahasuar me të njëjtën periudhë të vitit të kaluar.