Enti i punës “i gjen punë” vajzës në një shtëpi publike

Një zyre lokale e Entit për Punësim në qytetin Augsburg të Gjermanisë ka dërguar një vajzë 19-vjeçare për të punuar në një shtëpi publike, shkruan gazeta “Allgemeine Zeitung”

Vajza e re tha se ishte tronditur kur të shtunën e kaluar ka marrë një letër nga zyra e punësimit lokal në Augsburg për të punuar si kameriere në një shtëpi publike me emrin “Koloseum Augsburg”.

“Unë isha duke kërkuar për një punë të mirë për mbajtjen e shtëpisë dhe jo për punë në një shtëpi publike. Jam tronditur kur kam lexuar letrën. Nëna ime ka filluar të bërtasë, kur ka dëgjuar për letrën”, tha vajza.

Shefi i qendrës për punësim në Augsburg, Roland Fuerst tha se kishin bërë një gabim, sepse ata nuk e dinin se “Augsburg Koloseum” është një shtëpi publike.

Zyra për punësim nuk e kishte kishte telefonuar vajzën për të parë nëse është e interesuar për një vend pune të këtillë por i kishte dërguar vetëm një letër.

Ndryshe, prostitucioni është i lejuar ligjërisht në Gjermani.