Ajri i ndotur dëmton mushkëritë e foshnjave

Sipas rezultateve të një studimi suedez, më i dëmshëm është ndikimi i ndotësve në vitin e parë të jetës së fëmijëve

Mushkëritë  zhvillohen në vitet e para të jetës dhe në atë kohë është ende herët për të reaguar ndaj ndotësve. Kështu thotë një studim suedez, sipas të cilit ndotja e ajrit dëmton rëndë organet e frymëmarrjes te foshnjat.

Fëmijët janë më të ndjeshëm se të rriturit nga ajri i ndotur. Sipas rezultateve të këtij studimi, më i dëmshëm është ndikimi i ndotësve në vitin e parë të jetës së fëmijëve.

Studiuesit kanë vëzhguar funksionimin e mushkërive dhe alergjisë te 1900 fëmijë nga lindja deri në moshën tetëvjeçare. Pastaj studiuesit suedezë i kanë krahasuar të dhënat  e fëmijëve në raport me vendin e ndotjes, në çerdhe apo shkollë. Rezultatet treguan se fëmijët të cilët kishin qenë të ekspozuar gjatë vitit të parë të jetës me ndotjen, në moshën tetëvjeçe treguan një përkeqësim të theksuar të funksionimit  të mushkërive.

Studiuesit besojnë se për këtë arsye mushkëritë janë veçanërisht të ndjeshme ndaj ndotësve në vitin e parë të jetës. Prandaj, prindërit me foshnja duhet shmangur rrugët me komunikacion të dendur, duke zgjedhur ambiente që nuk i ekspozohen ndotjes.