Lamtumirë hotmail, mirë se vjen outlook

Pas një faze testimi që ka zgjatur disa muaj, nga dita e marte, 19 shkurt, portali i (Outlook.com) ka hyrë në përdorim të rregullt

Microsofti është duke bërë përtëritjen e shërbimeve të tij webmail. Të gjithë shfrytëzuesit e deritashëm të Hotmail-it së shpejti do të kthehen në shërbimin e ri Outlook.com. Pas një faze testimi që ka zgjatur disa muaj, nga dita e marte, 19 shkurt, portali i i (Outlook.com) ka hyrë në përdorim të rregullt.

Që nga fillimi i versionit testues nga fundi i korrikut të vitit të kaluar, sipas microsoftit rreth 60 milionë shfrytëzues janë përcaktuar për Outlook. Verën e kaluar hotmaili kishte rreth 300 milionë përdorues. Ndërsa, sipas microsoftit, në zhvillimin e ofertës së re gjatë muajve të kaluar janë shfrytëzuar edhe vërejtjet e përdoruesve

Outlook.com është i lidhur me rrjetet si Twitter, Facebook ose Linkedln. Në këtë mënyrë përmbajtjet aktuale të Twitter-it ose të Facebook-ut mund të mbulohen gjatë kohës sa i lexon emalët tu. Veç kësaj në programin e ri janë të integruar edhe shërbimet si Word, Excel dhe PowerPoint.

Kalimi në Outlook për përdoruesit e hotmailit do të rrjedhë pa probleme, premton microsofti. Adresa ekzistuese e e-mailit mbetet ajo që është, ashtu si dhe vendet për depozitim te materialeve.

Ndërrimi mendohet të përfundojë nga fundi i verës