Zgjedhjet në Valais, prin Oscar Freysinger

Kandidati i PLR-FDP, Léonard Bender ka humbur garën në raundin e dytë zgjedhor në Valais

Rezultatet e para të zgjedhjeve në Valais tregojnë se pesë kandidatët e UDC-SVP, PDC-CVP dhe PS-SP-së janë në epërsi dhe se kandidati i PLR-FDP ka mbetur mbrapa.

Më konkretisht, kandidati i UDC-SVP, Oscar Freysinger e ka siguruar zgjedhjen e tij. Katër kandidatët tjerë, sipas epërsisë së votave janë: Jean-Michel Cina (PDC-CVP), Esther Waeber-Kalbermatten (PS-SP), Jacques Melly (PDC-CVP) si dhe Maurice Tornay (PDC-CVP). Të gjithë nuk janë në distancë të largët sa i përket numrit të votave  me Oscar Freysinger.

Për kandidatin e PLR-FDP, Léonard Bender, distanca nga katër kandidatët tjerë është e madhe, respektivisht rreth 9 mijë vota, edhe pse rezultatet e komunave tradicionale të radikalëve të Valais ende nuk dihen.

Edhe vetë kryetari i PLR-DFP të Kantonit Valais, George Tavernier, ka pranuar se kandidati i tyre ka humbur garën. “Populli i Valisit ka vendosur  t’ ia japë një mision të ri PLR (FDP)-së,  pra që të mos jetë më në qeverisje“ tha Tavernier.

Befasi  e ditës ishte pjesëmarrja e votuesve që i afrohet 65 për qindëisht, shumë afër përqindjes së raundit të parë zgjedhor që kishin dalë në zgjedhje  66% e votuesve.