Të Gjelbrit e rinj, klima si trashëgimi botërore

Të rinjtë e të Gjelbërve duan të regjistrojnë klimën zvicerane si trashëgimi botërore të UNESCO-s

Të rinjtë e të Gjelbërve  të mërkurën kanë nisur një peticion për këtë qëllim dhe i janë drejtuar Këshillit Federal, duke argumentuar se Zvicra mund të luajë rol në këtë lëmi.

Kjo iniciativë ka ngjallur interes të fortë nga organizatat mjedisore  si dhe nga palë të tjera politike, shkruajnë të rinjtë e të Gjelbërve në deklaratën e tyre. Peticioni është i mbështetur, ndër të tjera, nga WWF, Greenpeace, Pro Natura, Shoqata Transporti dhe Mjedisi (ATE), të Gjelbrit dhe të Gjelbrit liberalë.

Sipas të Gjelbërve të rinj, ajri ynë ka vlerë mbrojtëse dhe fëmijët tanë kanë të drejtë të jetojnë në një mjedis të shëndetshëm. Nuk është tepër vonë për të ndaluar ndryshimin e klimës, edhe në qoftë se konferenca e klimës në dhjetor 2012 përfundoi pa rezultate. Kjo temë duhet të jetë në agjendën politike, thanë ndër të tjera të rinjtë.

Për të shënuar fillimin e peticionit të tyre, ata marshuan në sheshin e Pallatit  Federal, veshur si pinguinë dhe arinj