Zviceranët konsumojnë 356 milionë shishe verë

Thuhet të jetë rritur konsumi i verës në vitin 2012 për 2.2 për qind

Zviceranët preferojnë më shumë verë të kuqe. Statistikat flasin se vitin e kaluar janë konsumuar në total prej 183.6 milionë litrash verë të kuqe. Ndërsa verë të bardhë kanë konsumuar 83.4 milionë litra.

Thuhet të jetë rritur konsumi i verës në vitin 2012 për 2.2 për qind. Janë konsumuar në totalin e vitit të kaluar 267 milionë litra verë, që i bie të jenë 356 milionë shishe verë. Bëhet fjalë për një rënie për rreth 6 milionë litra në krahasim me vitin e kaluar, thotë Zyra Federale për Bujqësi (BLW). 

Konsumi i verës së bardhë ishte 2.8 për qind më shumë se konsumi i verës së kuqe me 1.9 për qind. 

Pavarësisht nga rënia e konsumit, janë punuar 14’920 hektarë vreshta me madhësi të njëjtë si vitin e kaluar. Për shkak të motit, rezultatet e kultivuesve ishin si në vitin 2011. Do të thotë, 6.7 për qind më pak se mesatarja e pesë vjetëve të fundit.

Megjithëse kishte shënuar rënie edhe importi, zviceranët më shumë preferojnë kryesisht verërat nga Italia, Franca dhe Spanja.

Ndërsa prodhuesit dhe tregtarët zviceranë të verës kanë shitur 1.1 milion litra jashtë vendit gjatë vitit 2012.