Qeveria ka realizuar 2.4 miliardë franga fitim

Sipas ministrisë së financave "ky është një rezultat u kënaqshëm i cili jep një pasqyrë të përgjithshme të shëndetshme të financave në nivel federal"

Këshilli Federal i Zvicrës ka miratuar të mërkurën raportin e pasqyrave të konsoliduara të financave për punën e administratës federale gjatë vitit 2012. Pas bilancit të bërë ka rezultuar një fitim prej 2.4 miliardë frangash, që është për 250 milionë më shumë se një vit më parë.

Sipas një kumtese të Departamentit Federal të Financave është ky “një rezultat u kënaqshëm i cili jep një pasqyrë të përgjithshme të shëndetshme të financave në nivel federal.

Për ndryshim nga bilanci federal, bilanci i konsoliduar përfshin edhe njësitë jashtë qendrës, të cilat kanë bilance të tyre të veçanta siç janë organi për mbikëqyrjen e financave (FNMA), instituti i barnave Swissmedic, dy universitetet politeknike, në Cyrih e në Lozanë etj.

Shtimi i fitimit, sipas departamentit në fjalë vjen në radhë të parë si rezultat i zhvillimeve pozitive në aksionet e federatës në postë, Swisscom dhe SBB-CFF. Püermes këtyre pjesëmarrjeve federata ka fituar 1 miliard nga posta, 0.9 miliard nga Swisscom dhe 0.3 miliard nga SBB.

Në nivelin federal në Zvicër gjatë vitit të kaluar kanë qenë 50.686 vende pune me normë të plotë.

Sipas bilancit të përgjithshëm federata gjatë vitit ë kaluar ka pasur 1.3 miliard franga fitim, i cili është realizuar me gjithë faktin se federata ka marrë mbi një miliard franga më pak se që kishte pritur.

Po ashtu nga niveli federal në Zvicër gjatë vitit të kaluar janë dhënë 2.4 miliard franga më pak se sa ishin buxhetuar. Si shkaqe për këtë, ministrja e financave, Eveline Widmer-Schlumpf ka përmendur projektet e zvarritura, kamatat e ulëta etj.