Rita Ora: “Nuk kam nevojë të zhvishem për t`u dukur bukur”

Ndryshe, asaj i pëlqejnë para së gjithash rrobat e pazakonshme. “I urrej xhinsat”, ka pranuar ajo. “Për faktin se janë mënyra më e zakonshme e veshjes për shumicën e njerëzve

Rita Ora mendon se nuk ka nevojë të zhvishet për tu dukur e bukur. “Mua më pëlqejnë rrobat e mia unë ndjehem mirë kur dikush komenton veshjen time”, ka thënë shqiptarja nga Kosova në një intervistë që ka dhënë pak ditë më parë për BBC One.   

Më tutje ajo ka shpjeguar se i pëlqejnë para së gjithash rrobat e pazakonshme. “I urrej xhinsat”, ka pranuar ajo. “I urrej për faktin se janë mënyra më e zakonshme e veshjes për shumicën e njerëzve”.

Rita Ora shpenzon shumë kohë në veshje dhe  duke bërë makiazh. “Unë bëj vazhdimisht hulumtime për përshtatjen e rrobave. Shikoj libra arti dhe fotografish dhe pastaj e bëj kombinimin e veshjeve. Dhe, kjo e kërkon njëfarë kohe”, thotë ajo.

“Për çdo mëngjes më duhen dy orë për tu bërë gati, gjë kjo që shoqërisë sime i duket e çuditshme. Por unë mendoj se kjo që bëj unë është normale”.