Shefi i policisë dënohet për tejkalim të shpejtësisë

Ai është fotografuar nga radari duke ngarë makinën 96 kilometra në orë në zonën, ku lejohej vetëm 60 kilometra në orë

Sërish një shef policie dënohet me marrje të patentshoferit për shkak të vozitjes së shpejtë. Pasi që pak javë më parë shefi i policisë së Kantonit Aargau, Stephan Reinhardt ishte kapur duke shkelur rregullat e komunikacionit, diç të ngjashme ka bërë edhe komandanti (ushtrues detyre) i policisë së Oltenit, Ulrich Pfister. 

Tri javë më parë ai është fotografuar nga radari duke ngarë makinën 96 kilometra në orë në zonën, ku lejohej vetëm 60 kilometra në orë.

Dënimi që i është shqiptuar atij është marrja e menjëhershme e lejes së vozitjes, ka njoftuar transmetuesi regjional televiziv TeleM1. Nuk bëhet e njohur koha për sa ai do të detyrohet të lëvizë pa makinë. Pfister njëherë për njëherë mbetet në postin që ka. Ndërsa përgjegjësja për polici në qeverinë e qytetit të Oltenit, Iris Schelbert nuk ka dashur që para mbylljes së procedurës penale të flasë për pasojat e mundshme për postin e shefit të policisë.