Alkooli, shkaktar i dhunës në familje

Gjysma e 15'810 rasteve të dhunës në familje të raportuara më 2012 janë pasojë e alkoolit

Dhuna në familje dhe alkooli shpesh shfaqen së bashku. Gati gjysma e të gjitha grave, viktima të dhunës në familje, pësojnë si rezultat i konsumimit  të alkoolit.

Madje flitet për një në katër raste, kur njëri nga partnerët gjatë ushtrimit të dhunës është nën ndikim të alkoolit.  Kështu thotë një studim i  Zyrës Federale të Shëndetit Publik (BAG).

Me dhunë në familje nënkuptohet dhuna fizike, psikologjike dhe seksuale. Dhuna është e përhapur në të gjitha shtresat e shoqërisë.

Çdo i katërti person i prekur nga dhuna në familje  bën një jetë të vështirë dhe është i papunë ose i varur nga ndihma sociale.

Shumica prej tyre janë mes 30 dhe 35 vjeç.  Dhuna në familje më shumë bie në sy në zonat urbane. Vetëm një në dhjetë raste ka ndodhur në fshatra.

Pothuajse gjithmonë, fëmijët vuajnë më së shumti nga dhuna në familje. Në çdo të dytin rast janë të involvuar në deliktet e dhunës fëmijët nën moshën 10-vjeç.

Për të zvogëluar numrin e rasteve që shpesh herë përfundojnë tragjikisht, Zyra Federale e Shëndetit Publik (BAG) synon të rrisë bashkëpunimin ndërmjet zyrave për këshillimin e viktimave të dhunës. Kjo është bërë tashmë në kantonin e St Gallen dhe Basel-Land, dhe përvoja nga atje ka dhënë rezultate premtuese.

Nga ana tjetër Konferenca e Drejtorëve të Departamenteve kantonale të drejtësisë dhe policisë (KDDKDP) ka planifikuar futjen në funksion të një linje nacionale telefonike “Helpline” për të  raportuar rastet  e dhunës.