Barka “zbarkon” në mes të autostradës

E gjithë kjo skenë u zhvillua pikërisht para „syve" të kamerës së vendosur në autostradë, në vendin Le Vengeron

Duke tentuar të ndërrojë shiritin në autostradën A1 afër Gjenevës, barka e vendosur në rimorkion e një automobili filloi papritmas të lëkundet. Shumë shpejtë barka rrëshqiti nga makina dhe u përplas në mes të autostradës, duke e bllokuar gjithë trafikun në shiritin ku ajo kishte rënë, njofton policia. Ngjarja kishte nodhur në drejtim të Lozanës në autostradën A1, mes Gran Sacconex (GE) dhe Coppet (VD).

Veç kësaj, pesha e barkës e bëri edhe makinën (Jeep Cherokee) të rrëzohej. E gjithë kjo skenë u zhvillua pikërisht para „syve” të kamerës së vendosur në autostradë, në vendin Le Vengeron.

Për fat të mirë, të gjitha automjetet që vinin pas, patën mundësi të frenonin me kohë dhe kështu nuk pati asnjë të lënduar nga ky aksidentmjaft spektakolar. Natyrisht, barka, rimorkioja dhe vetura ku ajo ishte vendosur, kanë pësuar dëmtime të konsiderueshme.

Shoferi ka marrë lëndime të lehta.  Siç raporton SRF, zjarrfikësit dhe policia kanë dalë menjëherë  në vendin e ngjarjes.

Policia e Gjenevës ka bërë të ditur se një anije dhjetë metra e gjatë ka bllokuar rrugën. Rruga në drejtim të Lozanës,  si dhe dalja në drejtim të Le Vengeron (GE) mbetet e bllokuar të paktën deri në orën 13