Kufijtë e Shengenit do të kontrollohen sërish

Më e zëshme në kërkimin e vendosjes së rregullave të reja për kontrollimin e kufijve ka qenë Gjermania

Shtetet që bëjnë pjesë në Zonën e Shengenit mund të fillojnë të bëjnë sërish kontrollimin e kufijve nacionalë nëse kanë indikacione për ardhje masive të refugjatëve. Lidhur me këtë çështje, shtetet anëtare të Bashkimit Evropian së bashku me Parlamentin Evropian si dhe me komisionin përkatës, kanë arritur pajtim të enjten në Bruksel për një mekanizëm të ri emergjence.

Parakusht për përdorimin e një mekanizmi të tillë do të jetë kur një shtet, përkundër ndihmës së marrë nga BE-ja, nuk mundet t`i mbrojë më kufijtë e tij të jashtëm dhe në rastet kërcënohet siguria e shteteve tjera.

Komisioni i BE-së ka marrë detyrën për të mbikëqyrur zbatimin e masave, shkruan nzz.ch.

Si shkas për rivendosjen e kontrollimit të kufijve të shteteve të Schengenit, veç tjerash, është marrë ardhja në shtetet e Evropës perëndimore e një numri të madh të refugjatëve nga Afrika e Veriut.

Më e zëshme në kërkimin e vendosjes së rregullave të reja ka qenë Gjermania.