Më shumë turistë gjatë dimrit në Zvicër

Afërsisht 15.5 milionë buajtje ishin regjistruar në industrinë zvicerane të turizmit gjatë sezonit të dimrit

Hotelet në Zvicër gjatë sezonit të dimrit kanë pranuar më shumë turistë. Numri i buajtjeve ndërmjet nëntorit 2012 dhe prillit 2013 ishte 1.3 për qind më i lartë krahasuar me vitin e kaluar. Madje gjatë prillit dhe majit bëhet fjalë për një rritje 2.4 për qind më shumë se vitin e kaluar. 

Afërsisht 15.5 milionë buajtje ishin regjistruar në industrinë zvicerane të turizmit gjatë sezonit të dimrit, duke përfshirë periudhën nga nëntori 2012 deri në prill 2013. Kjo paraqet një rritje prej 1.3 për qind nëse krahasohet me të njëjtën periudhë të vitit të kaluar, njofton Zyra Federale e Statistikave (FSO).

Një total prej 8.3 milionë buajtjesh ishin regjistruar nga turistët e huaj gjatë kësaj periudhe në Zvicër. 

Zvicrën më shumë e vizituan kinezët, por nuk munguan as rusët dhe amerikanët.