Princi saudit padit revistën “Forbes”, ia nënvlerësoi pasurinë

Një princ saudit ka paditur revistën “Forbes”, pasi në klasifikimin e personave më të pasur në botë vlerësoi pasurinë e tij “me vetëm” 20 miliardë dollarë.

Princi Alwaleed bin Talal, në bazë të këtij klasifikimi është personi i 26-të më i pasur i botës, por ai pretendon se pasuria e tij reale është 30 miliardë, duke u futur në 10-she.

Duke “nënvlerësuar” pasurinë e tij me dhjetë miliardë dollarë, princi do të kërkojë korrektimin e renditjes dhe një dëmshpërblim, me argumentin se “varfërimi fiktiv” ia ka dëmtuar imazhin.

Bin Talal, i cili zotëron fitime të mëdha nga puset e naftës në Arabinë Saudite, ka gjithashtu aksione në disa prej kompanive më të mëdha të botës, si “Apple”, “Facebook”, “Twitter” apo në koorporatën e Rupert Murdoch.