Komisioni kundër marrëveshjes mbi taksat me amerikanët

Komisioni I rekomandon dhomës që ta hedhë poshtë ligjin që del nga marrëveshja, ka bërë të njohur kryetari i komisionit, Konrad Graber

Komisioni për Ekonomi i Dhomës së Kantoneve të Parlamentit të Zvicrës nuk e ka miratuar marrëveshjen në fushën e taksave me SHBA-në, të njohur si “Lex USA”. Me 7 vota kundër dhe 6 pro, ky komision I rekomandon dhomës që ta hedhë poshtë ligjin që del nga kjo marrëveshje, ka bërë të njohur kryetari i komisionit, Konrad Graber. Gjatë debatit lidhur me ligjin, raporti në mes të kundërshtarëve dhe mbështetësve ishte 6 me 6, ndërsa vota e kryetarit Graber e ka bërë ndryshimin në 7 me 6.

Dhoma e Kantoneve (senati) do të debatojë këtë të mërkurë lidhur me ligjin ndërsa Dhoma Nacionale këtë do ta bëjë në javën e fundit të sesionit veror parlamentar. Në rast se parlamentarët kundërshtojnë, Qeveria Federale do të gjendet në një pozitë të vështirë pasi që ajo është obliguar që çështjen ta zgjidëh deri më 1 korrik.  Ligji do të zgjdihë konfliktin tatimor Zvicër – SHBA.

Komisioni ka dëgjuar të hënën një numër të madh të përfaqësuesve të bankave dhe kryetarin e Bankës Nacionale Thonas Jordan. Sipas Graber-it , bankierët janë shprehur njëzëri për Ligjin mbi konfliktin e tatimeve