Nuk lejojnë vrasjen e ujkut!

Edhe pse ai vetëm gjatë një muaji ka mbytur 28 dele në regjionin Goms dhe popullatës lokale i ka sosur durimi...

Ujku problematik M35 i cili qarkullon prej kohësh në malet e Valisit vazhdon të gëzojë mbështetjen e autoriteteve zvicerane. Edhe pse ai vetëm gjatë një muaji ka mbytur 28 dele në regjionin Goms dhe popullatës lokale i ka sosur durimi, Enti Federal për  mbrojtjen e ambientit nuk ka lejuar që ai të vritet.

Inspektorët e gjuetisë nga kantoni dhe federata pasi kanë gjykuar gjendjen në terren kanë ardhur në përfundimin se delet e mbytura kanë qenë ose në ndonjë kullosë jo sa duhet të mbrojtur me rrethojë ose  kanë qëndruar gjatë gjithë ditës në kullosa që nuk rrethohen dhe mbrohen fare.

Ndërsa koncepti “Ujku” i përpunuar nga autoritetet për mbrojtjen e ambientit nënkupton që leja për tu vrarë një ujk mund të jepet etëm në rastin kur mbajtësit e deleve t`i kenë marrë të gjitha masat mbrojtëse.