Shalqiri që kushton 3 mijë dollarë

Pritet që këtë vit në ankand do të shiten 60 mijë shalqinj "Densuke". Çmimi i tyre fillestar është zakonisht 5.000 jen ose 50 dollarë për copë

Bëhet fjalë për shalqirin e njohur “Densuke”, i cili kultivohet në qytetin Toma në ishullin japonez të Hokkaido. Një shalqi i tillë u shit në një ankand për 300.000 jenë japonezë, ose rreth 3.170 dollarë amerikanë, ka bërë e ditur një shoqatë lokale bujqësore në faqen e saj zyrtare.

Në ankandin i cili u mbajt të hënën janë prezantuar 110 shalqinj. Pesha mesatare e shalqinjve të këtij varieteti sillet prej pesë deri në shtatë kilogramë.

Shalqiri “Densuke” karakterizuar me lëvore unike të zezë dhe me shije të ëmbël si të sheqerit. Këta shalqinj shiten në kuti të veçanta të zeza që theksojnë ngjyrën e tyre natyrale. Ata janë shfaqur në qytetin Toma në mes të viteve 1980 për të kompensuar humbjet nga rendimentet në rënie të orizit.

Pritet që këtë vit në ankand do të shiten 60 mijë shalqinj “Densuke”. Çmimi i tyre fillestar është zakonisht 5.000 jen ose 50 dollarë për copë.

Çmimi rekord për këtë lloj të shalqirit u arrit para pesë vjetëve, për 6500 dollarë amerikanë.