Londra dhe Parisi, patundshmëritë më të shtrenjta në Evropë

Londra dhe Parisi kanë patundshmëritë më të shtrenjta në Evropë, thuhet në një studim Deloitte

Kystone

Londra mbetet qyteti më i shtrenjtë në Evropë me një kosto mesatare prej 10 mijë eurosh për metër katror në një zonë të re banimi në qendër të qytetit.

„Pas Londrës vjen Parisi që ofron një çmim mesatar prej 8300 € për metër katror”, thuhet në një studim Deloitte, i cili krahason tregun e pasurive të patundshme në 12 vende evropiane.

Çmimi mesatar për metër katror është deri në 6.000 euro në Londër ndërsa 5500 € në Paris.

Pastaj vjen Munihu, qyteti më i shtrenjtë në Gjermani me rreth 5.000 euro për metër katror.
Radhitja vazhdon me qytetet si Moska, Milano, Lyon dhe Marseille, ku metri katror sillet deri 4000 €, shton studimi i Deloitte.

Sipas Deloitte, çmimet vazhdimisht rriten në Britani, Rusi dhe Gjermani. Për rritje flitet edhe në Francë dhe Belgjikë. Ndërkohë çmimet kanë rënë në Itali, Spanjë dhe Holandë.