Zvicra, pjesë e mbrojtjes së të personave me aftësi të kufizuara

Konventa për mbrojtjen e të drejtave të njerëzve me aftësi të kufizara ka për qëllim që shtetet nënshkruese të garantojnë të drejtat bazë njerëzore edhe për personat me hendikep

Zvicra duhet të bëhet pjesë e konventës së OKB-së për mbrojtjen e të drejtave të njerëzve me aftësi të kufizuara. Ky është qëndrimi i Parlamentit Nacional të Zvicrës i shprehur të premten. Ky qëndrim do t`i kalojë për miratim edhe Dhomës së Kantoneve.

Konventa ka për qëllim që shtetet nënshkruese të garantojnë të drejtat bazë njerëzore edhe për personat me hendikep. Ajo ndalon çdo formë të diskriminimit ndaj personave në fjalë. Shumë nga folësit në seancën e Parlamentit Nacional kanë thënë se me nënshkrimin e kësaj marrëveshjeje nuk krijohen të drejta të reja juridike për Zvicrën.

Deri në fund të vitit të kaluar konventa për të drejtat e njerëzve me aftësi të kufizuar është nënshkruar nga 150 vende dhe është ratifikuar nga 100 sish.