Berset: Gratë të pensionohen me 65 vjet!

Të punësuarit nuk mund të shkojnë në pension të parakohshëm nga mosha 58 vjeçare sikur tash por vetëm pasi t`i kenë mbushur 62 vjet

Janë bërë të njohura detajet e reformës së planifikuar të pensioneve, të propozuar nga ministri për çështjet sociale Alain Berset. Një ndryshim i ndjeshëm do të bëhet në moshën për pensionim të femrave. Ato në të ardhmen pitet të pensionohen në moshën 65 dhe jo sikur deri më tash, 64 vjeçare.

Reforma parasheh që brenda katër vitesh shkalla e konvertimit të pensioneve të zbritet nga 6.8 %në 6%. Dhe në mënyrë që pensionet minimale të mos shënojnë ulje, të punësuarit në të ardhmen nuk mund të shkojnë në pension të parakohshëm nga mosha 58 vjeçare sikur tash por vetëm pasi t`i kenë mbushur 62 vjet.

Në mënyrë që të mos preket niveli i tashëm i sigurimeve të moshës dhe të trashëgimisë, qeveria propozon një financim plotësues përmes tatimit mbi vlerën e shtuar. Ky tatim do të ngrihej në këtë rast për më së shumti dy për qind dhe kjo do të ndodhte në mënyrë graduale, shkruan news.ch.

Qeveria synon që këtë nivel të pensioneve ta mbajë edhe duke shkurtuar pensionet e të vejave  dhe vejanëve me fëmijë ndërsa pensionet e atyre (të vejave dhe vejanëve) që nuk kanë fëmijë do të hiqeshin fare. Ndryshe nga masat restriktive në këtë drejtim, qeveria synon rritjen në një drejtim tjetër, pensionet për fëmijët bonjakë duhet të jenë më të mëdha se tash.

Qeveria deri në fund të vitit do të dorëzojë në parlament për miratim një projektligj të reformës së pensioneve.