Gjeniu 9 vjeçar nuk pranohet në universitet

ETH që është një ndër universitetet elite në nivel botëror i ka bërë familjes së gjeniut të vogël edhe oferta të tjera për të mbështetur talentin e tij të jashtëzakonshëm në fushë të matematikës

Një fëmijë 9 vjeç me inteligjencë shumë të lartë, i cili tashmë ka kryer provimin e maturës për matematikë, nuk është pranuar për të studiuar matematikën në universitetin ETH të Cyrihut, por, ai është i mirëseardhur të vijë për t`i ndjekur pa detyrime ligjëratat e matematikës ka thënë një zëdhënës i ETH.

Zëdhënësi ka nënvizuar se sipas rregullave për regjistrim në këtë universitet, kandidati duhet të ketë maturën e licencuar nüë nivel federal pse të ketë dhënë ndonjë provim pranues. Por, Maximilian Janisch (kështu quhet vogëlushi) nuk i ka asnjërën prej këtyre.

Ai është duke e ndjekur vitin e parë të gjimnazit, ndërsa maturën speciale për matematikë ai e ka kryer me notë maksimale: 6 me gojë dhe 5.5 me shkrim, shkruan nzz.ch.

ETH (Shkolla e Lartë Politeknike Federale) që është një ndër universitetet elite në nivel botëror, i ka bërë familjes së gjeniut të vogël edhe oferta të tjera për të mbështetur talentin e tij të jashtëzakonshëm në fushë të matematikës.

Vetë babai i maturantit 9 vjeçar nga Meierskappel (Lucern) është profesor i pensionuar i matematikës.