Shtatorja e Lirisë sërish i pret vizitorët

Para më shumë se tetë muajsh ajo ishte mbyllur si pasojë e dëmeve të shkaktuara nga stuhia “Sandy”

Simboli identifikues i Nju Jorkut, Shtatorja e Lirisë, pas disa muajsh qetësie, do të hapë sërish sot dyert për turistët. Para tetë muajsh ajo ishte mbyllur si pasojë e dëmeve të shkaktuara nga  stuhia “Sandy”.

Të enjten (sot) ditën e pavarësisës së SHBA-së Statuja e Lirisë do të duhej të kthehej sërish në dispozicion të vizitorëve, kanë bërë të ditur përgjegjësit të mërkurën.

Në të vërtetë “Sandy” nuk e pati dëmtuar drejtpërdrejtë Statujën e Lirisë por kishte shkatërruar pjesë të shumta të infrastrukturës së ishuillit “Liberty Island” ku ndodhet skulptura e njohur. Turistët në këto kushte mundnin të shkonin në ishull por jo edhe të vazhdonin rrugën në brendi të tij. Rrjetet elektrike. Shtigjet e ecjes dhe shumëçka tjetër duhej të riparohej gjatë kësaj kohe.

Saktësisht në ditën e pavarësisë, turistët më në fund mund të vizitojnë sërish monumentin nga afërsia ose edhe të ngjiten me asensor në kurorën e “Lady Liberty”.