Tërmeti në St. Gallen, pasojë e shpimeve gjeotermike

Nga e mërkura në rrethinën e vendit ku po bëhet shpimi janë regjistruar rreth 100 dridhje të dobëta. Kulmi ka qenë tërmeti i sotëm që është nidier në regjionin e gjerë të Zvicrës lindore

Tërmeti prej 3.6 shkallësh i regjistruar në mëngjesin e të shtunës në Herisau (Appenzel/AR) ka qenë i rezultat i shpimeve gjeotermike që po bëhen në Sittertobel, në afërsi të St. Gallenit. Kjo ka qenë arsyeja për ndalimin e përkohshëm të këtyre shpimeve, ka thënë sot në një konferencë shtypi Stefan Wiemer, drejtor i shërbimit sizmik të Zvicrës. Ai ka thënë më tutje se fillimisht do të bëhet vlerüesimi i të dhüenave dhe do të stabilizohet zgavra e hapur, shkruan nzz.ch. 

Sipas tij, që nga e mërkura në rrethinën e vendit ku po bëhet shpimi janë regjistruar rreth 100 dridhje të dobëta. Kulmi ka qenë tërmeti i orëve të hershme të mëngjesit të sotëm me shkallë 3.6 të Richterit., që është ndier në regjionin e gjerë nga liqeni Bodensee deri në Appenzell.

Kryetari i qytetit St. Gallen ka thënë se gjendja është nën kontroll dhe se tashmë është krijuar një shtab krize për të trajtuar rastin.

Sipas deklarimit të një inxhinieri pjesëmarrës në projektin e shpimit, të premten gjatë përgatitjeve për një testim në thellësinë mbi 4000 metra ka ndodhur një shpërthim i papritur gazi me presion të madh. Për të penguar këtë, në gropë janë pompuar 650 kubikë ujë dhe. Kjo mund të ketë shkaktuar dridhjen e tokës.

Shpime të thella gjeotermike për ë siguruar burime të ujit të nxehtë janë bërë edhe në disa qytete të Zvicrës dhe janë ngritur edhe më parë shqetësime për ndikimin e mundshëm të tyre në stabulitetin e tokës në afërsi.