Rrëzohet kamioni, mbyten 140 viça

Sipas njohurive të para, shoferin 20 vjeçar e kishte zënë gjumi duke vozitur me ç`rast e kishte humbur kontrollin mbi makinën

Një kamion i madh me 310 viça është rrëzuar në një autostradë të Gjermanisë. 140 prej tyre kanë ngordhur me rastin e rrëzimit  ose është dashur të thereshin për shkak të plagëve që kanë pësuar, njofton policia e autostradës në Weisenfels të landit Sachsen-Anhalt.

Sipas njohurive të para, shoferin 20 vjeçar e kishte zënë gjumi duke vozitur me ç`rast e kishte humbur kontrollin mbi kamionin. Ai ashtu si dhe shoqëruesi i ij në kabinë kanë pësuar lëndime të lehta, njoftojnë mediet gjermane.

Viçat ishin duke u transportuar nga Dresdeni i Gjermanisë drejt Belgjikës. Pjesa e autostradës A38 si pasojë e aksidentit është mbajtur e bllokuar për disa orë.