Edhe socialdemokratët pro ashpërsimit të ligjit të azilit

54 për qind e përkrahësve dhe anëtarëve të SP/PS kanë votuar në të mirë të ashpërsimit të ligjit mbi azilin në referendumin e mbajtur në qershor

Në referendumin e mbajtur në qershor për rushikimin gjegjësisht ashpërsimin e Ligjit të Azilit, pro ashpërsimit nuk kanë votuar vetëm ithtarët e partive të djathta. Edhe në mesin e anëtarëve të Partisë Socialdemokrate (SP/PS), të njohur si kundërshtare, një shumicë relative ka votuar për ligjin e rishikuar.

Siç ka konstatuar një analizë e bërë nga Universiteti i Gjenevës dhe Instituti për Studimin e opinionit gfs.bern,  54 për qind e përkrahësve dhe anëtarëve të SP/PS kanë votuar në të mirë të ashpërsimit të ligjit mbi azilin.

Nga ana tjetër, ashtu siç edhe pritej, te përkrahësit e FDP/PLR dhe SVP/UDC kjo përqindje ishte rreth 90%. Ndërkaq votuesit e CVP/PDC kanë qeë në shkallën 80% pro rishikimit të këtij ligji.

Rishikimi i Ligjit mbi Azilin në referedumin e mbajtur në qershor të këtij viti kishte marrë përkrahjen e 78 për qind të zviceranëve që kishin marrë pjesë në referendum. Më shumë se një e treta e përkrahësve kishin përmendur dëshirën për procedura më efikase dhe më të mira të azilit, si arsye për votimin e ligjit.