Ndërtesa më e lartë prej druri në botë

Ndërtesa shtatëkatëshe e shtëpisë botuese “Tamedia” në Cyrih është ndërtuar e tëra prej materialit të drurit

Shtyllat prej druri masiv dominojnë në brendinë e ndërtesës së re. Fasadat janë bërë tërësisht prej xhami, në mënyrë që drita të depërtojë në të gjitha dhomat e ndërtesës.

Brenda shtyllat të kujtojnë një tempull japonez.

Struktura e një ndërtese të re të zyrës së grupit mediatik “Tamedia” në Cyrih është vepër teknologjike dhe fryt i një bashkëpunimi mes arkitektit japonez Shigeru Ban dhe inxhinierëve zviceranë.

Arkitektët kishin për detyrë të përmbushnin tri kritere, të cilat i pretendonte “Tamedia”:  krijimin e një atmosfere të këndshme pune, qëndrueshmërinë dhe kontrollin e kostos, raporton swissinfo.

Për këtë projekt është përdorur material i përsosur ndërtimi prej druri, thotë Shigeru Ban.