Zviceranët preferojnë turizmin brenda vendit

Në përgjithësi udhëtimet turistike brenda Zvicrës kanë përbërë 38 për qind të të gjitha udhëtimeve,të tyre

Zviceranët në përgjithësi janë turistë të dalluar, ata udhëtojnë me dëshirë. Por, gjatë vitit 2012 ata kanë udhëtuar më shumë se kurrë ndonjëherë më parë. Këtë e ka konstatuar një studim me titullin “Tregu turistik Zvicër”, të cilin e realizon Universiteti i St. Gallenit një herë në pesë vjet.

Sipas këtij studimi, 94 për qind të të anketuarve kanë bërë gjatë vitit të kaluar një udhëtim turistik, që është 6 për qind më shumë se në vitin 2007.

Sipas studimit, veçanërisht të dashura kanë qenë udhëtimet e shkurtra brenda Zvicrës. Në përgjithësi udhëtimet turistike brenda Zvicrës kanë përbërë 38 për qind të të gjitha udhëtimeve, që tregon se Zvicra ka qenë destinacioni më i madh turistik i zviceranëve.

Në këto raste me shumicë kanë realizuar buajtje në hotelet e kategorive më të larta. Përveç këtyre udhëtimeve, zviceranët më së shumti kanë preferuar Gjermaninë, Francën dhe Italinë.