2500 franga pa punuar, “minimumi për një jetë me dinjitet”!

Paga bazë 2500 franga do të ishte për secilin. Por cilido që dëshiron më shumë se kaq, duhet të punojë, thuhet në iniciativë

Secili person i moshës madhore në Zvicër duhet të marrë nga shteti 2500 franga në muaj si një minimum ekzistencial, pavarësisht a punon ose jo. Kjo do t`i mundësonte atij/asaj “një prani të dinjitetshme njerëzore dhe pjesëmarrje në jetën publike”.

Kështu ka kërkuar një komitet që ka përpiluar iniciativën për “të ardhurat e pakushtëzuara bazë”, iniciativë kjo që është nënshkruar nga 126 mijë veta dhe ka fituar të drejtën për tu nxjerrë në votim gjithëpopullor.

Teksti interesant dhe shumë i kontestuar i iniciativës më tutje thotë se paga bazë 2500 franga do të ishte për secilin. Por cilido që dëshiron më shumë se kaq, duhet të punojë. Ndërsa për fëmijë propozohen të ardhura prej 625 frangash, gjegje¨sisht sa një e katërta e të ardhurave për të rriturit, shkruan nzz.ch.

Motja e komitetit të kesaj iniciative është: “Ajo për çfarë ka nevojë secili/secila, duhet që të vlejë për të gjithë, në mënyrë të pakushtëzuar”.