Kalendari me 10 kg ari

Kompania japoneze "Ginza Tanaka", e njohur për prodhimet ekstravagante, ka prodhuar për këtë vit kalendarin e Krishtlindjeve “Mickey Mouse” me 10 kg ari. Kalendari është prezantuar në dyqanin e tyre kryesor, në një lagje luksoze në Tokio.

Çmimi i këtij kalendari me dimensione 129 me 87 cm është në shitje për  100 milionë dollarë amerikanë. E njëjta kompani ofron kalendarë të vegjël prej ari, vlera e të cilave arrin deri 720 mijë €.

Më parë, më 18 nëntor, me rastin e festave të Krishtlindjeve dhe Vitit të Ri është shitur bredhi i Krishtlindjeve prej ari në vlerë 500 milionë Jenë, ose rreth 5 milionë dollarë.

Siç shkruajnë mediat japoneze, lartësia e bredhit të Krishtlindjeve, e quajtur “Tree Golden Christmas Disney” është 2 .4 metra. Për përgatitjen e bredhit  janë përdorur 43 kilogramë  ari të pastër. Dekori i jashtëzakonshëm për Krishtlindje bëhet me karaktere vizatimor të Walt Disney, Mickey Mouse, etj. Secila nga këto karaktere është bërë me dorë dhe janë vendosur në kuti ari të dedikuar për dhurata nën bredh.
Përveç kësaj kryevepre, konsumatorëve u janë ofruar dhe bredha të arit  më të vogla dhe më të lira.

Kompania  “Ginza Tanaka”, e cila ka ekzistuar që nga viti 1892, ka  prodhuar madje edhe një tualet me kristale Swarovski.

“Ginza Tanaka” u bë i njohur në vitin 2011, kur ka paraqitur bredhin e artë të Krishtlindjeve me një lartësi prej 1.92 metra, me një çmim 2 milionë dollarë.

Në fund të 2012–s, megjithatë u ekspozua një bredh i ngjashëm i çmuar me një lartësi prej 2.4 metrash, me një çmim 4.2 milionë dollarë.