Çdo i dhjeti në Zvicër, i diskriminuar

Ndërkohë që te shtetasit zviceranë përqindja e diskriminimit sillet në 6.5 %, te të huajt ajo arrin deri në 18 %

Çdo i dhjeti person në Zvicër ka përjetuar diskriminim për shkak të nacionalitetit, religjionit, prejardhjes etnike ose ngjyrës së lëkurës. Meshkujt, me prejardhje të huaj, përbëjnë kategorinë që më së shumti i është nënshtruar diskriminimit, ka konstatuar një sondazh i realizuar dhe publikuar nga Enti Federal i Statistikës.

21 për qind e meshkujve të huaj kanë pasur deri më tash ndonjë përvojë me diskriminimin, sipas sondazhit, në të cilin janë pyetur 3000 persona në vitet 2010 dhe 2012. Përvojat e tyre të tilla mund të jenë të vjetra deri në pesë vite, shkruan azonline.ch.

Ndërkohë që te shtetasit zviceranë përqindja e diskriminimit sillet në 6.5 %, te të huajt ajo arrin deri në 18 %.