Geri Müller, me ndalesë hyrjeje në Izrael

Ministri izraelit i mbrojtjes ka shpallur ilegale një organizatë që angazhohet për dialog me palestinezët, ku është është angazhuar edhe Müller

Politikanit të njohur të gjelbër zviceran, deputet nacional dhe kryebashkiak i Badenit, Geri Müller i është ndaluar hyrja në territorin e Izraelit.

Atij, sipas gazetës izraelite “Haaretz” i kanoset burgosja në rast se hyn në territorin e shtetit të Izraelit.

Kjo ka ndodhur pasi që ministri izraelit i mbrojtjes ka shpallur ilegale organizatën belge CEPR e cila angazhohet për dialog me palestinezët. Në këtë organizatë është angazhuar edhe Müller.

Organizata CEPR (Council for European Palestinian Relations), siç ka dëshmuar edhe Müller për nzz.ch, ka organizuar udhëtime për parlamentarët evropianë nëpër territoret palestineze.