KQZ: Në katër komunat veriore votuan mbi 40 për qind

Komisioni Qendror i Zgjedhjeve në Kosovë ka njoftuar se zgjedhjet e jashtëzakonshëm që u mbajtën sot në katër komunat veriore kanë kaluar pa probleme.

Kryetarja e KQZ-së, Valdete Daka, ka thënë se dalja e qytetarëve në zgjedhjet e sotme ishte 42.42 për qind ose 24 595 votues me të drejtë vote .

“Në 87 vendvotime të komunave janë mbyllur të gjitha me kohë në ora 19.00. Sipas të dhënave preliminare nga terreni, procesi i votimit në këto katër komuna është zhvilluar pa ndonjë problem”, ka deklaruar ajo, transmeton albinfo.ch.

PO ndryshe nga KQZ-ja, Partia Demokratike e Kosovës përmes një komunikate për media ka akuzuar Lëvizjen  Vetëvendosje dhe LDK-në për tregti me vota.