“Shkollat zvicerane” jashtë vendit, edhe pa asnjë nxënës zviceran

Aktualisht në 17 shkolla zvicerane jashtë vendit, numri i zviceranëve që ndjekin mësimin në to duhet të jetë 20 deri në 30 për qind të totalit

Shkollat zvicerane në vendet jashtë Zvicrës në të ardhmen do të mbajnë epitetin e shkollave të tilla edhe në rast se në to nuk mëson asnjë nxënës zviceran. Por, shkollat në fjalë për të plotësuar kriterin e shkollës zvicerane duhet të ofrojnë arsimim profesional (zanate) sipas modelit të shkollave zvicerane. Ky qëndrim shprehet në ligjin e rishikuar të arsimimit për zviceranët jashtë vendit.

Dhoma Nacionale e Parlamentit të Zvicrës, si dhomë e dytë në këtë rast, e ka miratuar në parim rishikimin e plotë të ligjit në fjalë.  

Aktualisht në 17 shkolla zvicerane jashtë vendit, varësisht nga madhësia, numri i nxënësve zviceranë që ndjekin mësimin në to duhet të jetë së paku 20 deri në 30 për qind të totalit. Një rregull e tillë, sipas shumicës në parlament, është pengesë për zgjerimin e shkollave në fjalë.  

Ndërkaq, kërkesa e një pakice të deputetëve që si kriter për emërtimin shkolla zvicerane të jetë pjesëmarrja në to e nxënësve zviceranë me së paku 10 për qind.

Pas dhomës nacionale, çështja shkon në trajtim ne Dhomën e Kantoneve. (albinfo.ch&sda)