BE lehtëson hyrjen e shtetasve të vendeve joanëtare

Autoritetet përkatëse të vendeve të BE-së në të ardhmen do të pranojnë edhe aplikimet online dhe do t`i përpunojnë ato më shpejtë

Të huajt nga shtetet jo anëtare të Bashkimit Evropian në të ardhmen do të kenë lehtësira sa i përket hyrjes në shtete e BE-së. Kjo do të bëhet e mundur përmes lehtësimit të procedurës së dhënies së vizave.

Lehtësimi konsiston në atë që autoritetet përkatëse të vendeve të BE-së në të ardhmen do të pranojnë edhe aplikimin ose kërkesën edhe në formën online. Veç kësaj ato, sipas kërkesë së bërë nga Komisioni Evropian, zotohen që këto kërkesa t`i përpunojnë më shpejtë se deri më tani.

Arseja e kësaj zbutjeje ka të bëjë me nevojën që ka BE për të tërhequr ekspertë, personel të kualifikuar nga vendet jashtë BE-së. Por nga kjo do të përfitojnë edhe studentët dhe artistët kur duan të bëjnë udhëtime nëpër Evropë.

Që këto lehtësime të hyjnë në fuqi duhet të pritet njëherë edhe miratimi i propozimit nga Parlamenti Evropian dhe nga shtete e BE-së veç e veç, shkruan srf.ch.

Duke qenë shtet nënshkrues i marrëveshjes së Schengenit, një ndryshim në këtë drejtim do të kishte rrjedhoja edhe për Zvicrën.