Burg për të dënuarit e rrezikshëm me çrregullime psikike

Aty do të mbahen të burgosurit nga Zvicra Frankofone dhe ajo italiane që kanë nevojë për ndihmë psikiatrike dhe që duhet të socializohen

Pas krimit të rëndë, kur një i dënuar për dhunim të shumëfishtë gjatë daljes me leje nga burgu kishte vrarë kujdestaren e tij, terapeute sociale burgu special La Pâquerette në Gjenevë ishte mbyllur. Zotimet e autoriteteve se do të hapet një burg special për të dënuarit e rrezikshëm me çrregullime psikike është realizuar të premten, me hapjen e burgut në Curabilis, në Puplinge të Gjenevës.

Këtu do të mbahen të burgosurit nga Zvicra Frankofone (Romandia) dhe ajo italiane që kanë nevojë për ndihmë psikiatrike dhe që duhet të socializohen.

Të burgosurit e parë këtu do të sillen nga fundi i muajit prill. Përveç një pavijoni për terapi sociale dhe një pavijoni të mbyllur psikiatrik, këtu përkohësisht  do të vendosen edhe dy pavijone për të dënuar normalë, njofton srf.ch. Kjo do të bëjë që të shkarkohet burgu me nam dhe i mbingarkuar i Gjenevës, Champ-Dollon.

Duke ngritur këtë burg, kantoni i Gjenevës syno të nxjerrë mësime nga rasti “La Pâquerette“, duke paralajmëruar një numër reformash. Veç tjerash, në burgun e ro daljet me leje të të burgosurve do të kontrollohen shumë më rreptësisht.

Është paraparë që në këtë burg të punësohen 200 veta, dy të tretat personel mjekësor-social dhe një e treta personel burgu.