Seriali që rriti turizmin me 40 %

Menjëherë pas përfundimit të “Game of Thrones”, HBO doli në skenë me një fenomen të ri, që mban emrin “Chernobyl”. 

Seriali më i ri i HBO ka thyer çdo pritshmëri dhe çdo rekord të mundshëm, duke marrë veç audiencës edhe vlerësimet maksimale nga kritika.  

Seriali që është kthyer në hitin e momentin në botën e televizionit tregon historinë e vërtetë të katastrofës bërthamore të 1986-ës. Ashtu siç ndodhi me qytetin e Dubrovinik në Kroaci me “Game of Thrones”, po ndodh edhe me Chernobyl, me numrin e turistëve që është rritur ndjeshëm në qytetin fantazmë, ‘Scan’. 

Sipas një agjencie turistike në vend, kërkesat dhe prenotimet për të vizituar qytetin janë rritur me 40% që prej fillimit të serialit, në muajin maj, përcjell albinfo.ch. 

Një tur ka një kosto mesatare prej rreth 100 dollarësh për person. Zona rreth e rrotull fabrikës i ngjason një skene post-apokaliptike, dhe për këtë edhe interesi i vizitorëve është mjaft i lartë. Edhe agjenci të tjera turistike flasin për një rritje të çuditshme të numrit të turistëve, me rreth 30-40% që prej fillimit të serialit. 

Madje, një prej agjencive, ofron një tur të veçantë për të gjitha vendet që shfaqen në serial, përfshirë edhe bunkerin ku merret vendimi për të mos evakuuar banorët pas shpërthimit. Aksidenti fatal shkaktoi 31 viktima menjëherë, ndërkohë që mijëra të tjerë vdiqën më pas. Sipas një studimi bjellorus, numri total i viktimave të shkaktuara nga “Chernobyl” përllogaritet në 115 mijë, ndërkohë që Organizata Botërore e Shëndetësisë flet për 9 mijë.