Makinat e emergjencës nuk duan kufizim të shpejtësisë

Policët madje e konsiderojnë "efekt pervers" faktin që ligji i ndëshkon ata që përfaqësojnë ligjin për të ndihmuar të tjerët

Me ligjet në fuqi në Zvicër, edhe automjetet e policisë, të ndihmës së parë dhe të zjarrfikësve mund të dënohen sikur të gjithë pjesëmarrësit tjerë në komunikacion kur e tejkalojnë shpejtësinë e lejuar. Por disa prej shoferëve të shërbimeve në fjalë duan ta ndryshojnë këtë gjendje. Atyre u është bashkuar edhe deputetja në Parlamentin Nacional të Zvicrës, Corina Eichenberger.

Organizatat e “dritës së kaltër” (që përfaqësojnë shërbimet emergjente) e kundërshtojnë pjesën e ligjit mbi komunikacionin “Via Secura”, i cili i barazon ata me pjesëmarrësit tjerë në trafik. Ata nuk duan të dënohen në rastet kur për të shpëtuar jetë njerëzish u japin më shpejtë automjeteve të tyre. Policët madje e konsiderojnë “efekt pervers” faktin që ligji i ndëshkon ata që përfaqësojnë ligjin për të ndihmuar të tjerët, shkuan aargauerzeitung.ch. Njësoj ankohen edhe zjarrfikësit: “Askush nuk paraqitet për të punuar si zjarrfikës pasi që duhet të jetojë me friken se do të përfundojë në burg nëse tejkalon shpejtësinë”, thotë një zjarrfikës për gazetën.

Ndërkohë janë bërë disa deputetë nacionalë bashkë që duan të ndryshojnë ligjin. Sipas deputetes Corina Eichenberger, kur është vënë kufizimi i shpejtësisë është menduar vetëm në ngasësit e shpejtë të pandërgjegjshëm. Për këtë arsye nevojitet që sa me shpejtë që në ligjin për komunikacionin rrugor të futet edhe përjashtimi për automjetet e shërbimeve emergjente.