Shitoret e Caritas-it, gjithnjë më të kërkuara

Në vitin 2013, qarkullimi i 23 dyqaneve të Caritas-it ka arritur në 10’600’000 franga , një rritje prej 6% krahasuar me vitin 2012

Në Zvicër punojnë 23 dyqane të  Caritas-it, të cilat ofrojnë produkte me çmime të zbritura për kategoritë e popullatës në gjendje të vështirë, dhe qarkullimi i tyre tregon tendencë rritjeje. Në vitin 2013, qarkullimi i dyqaneve ka arritur në 10’600’000 franga , një rritje prej 6% krahasuar me vitin 2012, ka bërë të ditur shoqata bamirëse Caritas.

Ofertat e kësaj shoqate, me kohë janë bërë më të njohura  prandaj kjo edhe ndikon më shumë tek njerëzit, thonë përfaqësuesit e Caritas-it, tek shpjegojnë këtë rritje.

Përfitimet kanë shënuar një rritje të vazhdueshme gjatë pesë viteve të fundit, kur ka filluar zgjerimi i shitoreve ushqimore. Në 2013, shitja e frutave dhe perimeve ka shkuar veçanërisht mirë: qarkullimi i tyre është rritur për 20% .

Por për këtë  organizatë , ky sukses është edhe një tregues se varfëria në Zvicër vazhdon të rritet. Problemet financiare të afro  600.000 personave  të prekur nga varfëria po bëhen gjithnjë e më të dukshme për shkak të kursimeve që po bëhen nga entet sociale si dhe nga sektorët tjerë publikë, thotë Caritas .

Qëllimi: 30 dyqane të reja

Duke pasur parasysh rritjen e nevojave  të tilla, në Cyrih  një dyqan i ri do të hapet në qershor. Deri më 2020, si pjesë e veprimit të saj për “përgjysmimin e varfërisë” organizata ka në plan të  arrijë deri tek  numri i tridhjetë dyqaneve të tilla  në Zvicër .

Në pjesën e Zvicrës frankofone, dyqane të tilla tashmë ekzistojnë në Gjenevë , Lausanne , Morges ( VD ) , Renens ( VD ) , Vevey ( VD ) , Yverdon – les – Bains ( VD ) , Neuchâtel dhe La Chaux – de – Fonds ( NE ) .

Blerja në këto dyqane është e hapur për njerëzit që janë në vështirësi financiare, të cilët jetojnë nën pragun e  varfërisë , të cilët janë në borxh dhe  marrin ndihmë sociale ose shërbime shtesë AVS / AI . Pra, duhet të jeni  anëtar për të pasur të drejtë blerjeje në këto dyqane.