Swiss lejon përdorimin e telefonëve mobilë gjatë fluturimit

Deri më tash ka qenë e lejuar kyqja në modelin e fluturimit vetëm pas arritjes së lartësisë maksimale ndërsa tash edhe gjatë ngritjes dhe aterrimit të aeroplanit

Duke filluar nga e enjtja (më 1 maj) pasagjerët e kompanisë ajrore Swiss nuk do të detyrohen më të shkyqin telefonat e tyre celularë dhe tabletët gjatë ngritjes, aterrimit si dhe as gjatë tërë kohës së fluturimit të aeroplanit. Por, sigurisht këto aparate mund të përdoren vetëm në modusin e fluturimit.

Lidhjet e internetit pa tela (WLAN)  dhe funksionet si Bluetooth vazhdojnë të jenë të ndaluara. Deri më tash ka qenë e lejuar kyqja në modelin e fluturimit vetëm pas arritjes së lartësisë maksimale ndërsa duhej të shkyqeshin me rastin e shartimit dhe aterrimit të aeroplanit.

Ajo që me të renë u mundësohet pasagjerëve është dëgjimi i muzikës, shikimi i materialeve që i kanë në celular ose në tablet etj. edhe gjatë aterrimit dhe shartimit, shkruan azonline.ch. Vetëm kur mban mot i ligë ata duhet ta kufizojnë përdorimin e tyre, thuhet në një komunikatë të kompanisë Swiss.

Ndërkohë përdorimi i laptopit do të vazhdojë të jetë i ndaluar në çdo fazë të fluturimit.