Sërish refugjatë të vdekur në Lampeduza

Vetëm një ditë më parë, të dielën, ishte njoftuar se në brigjet e Libisë ishin mbytur në ujë së paku 40 veta

Në jug të Lampeduza-s, ishullit italian në Detin Mesdhe është fundosur të hënën një barkë e madhe që bartte qindra refugjatë, njoftojnë autoritetet italiane. Forcat e shpëtimit kanë qenë në rrugë për të shpëtuar të përmbyturit. Sipas të dhënave që kishte marina italiane në barkë mund të ishin rreth 200 persona por ka mundësi të ketë qenë edhe dyfishi i këtij numri, shkruan nzz.ch duke iu referuar medieve italiane.

Vetëm një ditë më parë, të dielën, ishte njoftuar se në brigjet e Libisë ishin mbytur në ujë së paku 40 veta në përpjekje që përmes Detit Mesdhe të kalonin në Evropë. Sipas një zëdhënësi të Ministrisë së Brendshme të Libisë barka me refugjatë që vinin nga vendet afrikane në jug të Saharës ishte fundosur 60 kilometra larg bregdetit