Vendimi i Kushtetueses, PSD-ja largohet nga ekipi negociator

Bashkëkryesuesi i ekipit negociator, Shpend Ahmeti, ka thënë se Partia Socialdemokrate e pranon vendimin e Gjykatës Kushtetuese dhe do të veprojë sipas tij.
Ahmeti ka thënë se nga sot, anëtarët e Delegacionit shtetëror nga radhët e PSD-së pushojnë të shërbejnë në këtë organ.
“Ne kemi hyrë në delegacion me kushtin që delegacioni të ketë kompetenca. Meqenëse ato nuk janë më, atëherë qëndrimi ynë në delegacion është pa kurrfarë rëndësie ligjore”, ka thënë Ahmeti, transmeton albinfo.ch.
Ndërsa përmes një konference të jashtëzakonshme për media, nënkryetari i PSD-së, Visar Ymeri, ka konfirmuar vendimin për largim nga ekipi.
Ymeri ka thënë se me anë të këtij vendimi të Gjykatës Kushtetuese, ia ka larguar Kuvendit të drejtojë dialogun.
Sipas Ymerit, me këtë vendim Kushtetuesja ia ka besuar dialogun presidencës dhe kryeministrit.