Kombëtarja e Zvicrës në test me Xhamajkën për Botëror

Kombëtarja e Zvicrës do ta zhvillojë sonte ndeshjen e parë miqësore me Xhamajkën para Kampionatit Botëror "Brazili 2014".

Helvetikët do të luajnë sonte në Lucernë pa dy lojtarët ofensivë Mario Gavranovic dhe Tranquillo Barnetta, por me pesë  futbollistë shqiptarë.

Kundër Xhamajkës me trajnerin gjerman Winnie Schaefer,  Hitzfeld do të bëje testimin e parë për formën aktuale të ekipit zviceran para Kampionatit Botëror në Brazil .

“Ne kemi bërë stërvitje  tepër intensive katër ditët e fundit në Weggis. Konkurrenca  është më e fort se katër vjet më parë në Afrikën e Jugut . “,  tha  Hitzfeld .

Të martën kombëtarja zvicerane do të takohet në  një ndeshje tjetër testuese me Peru para se të niset në Brazil.