Iniciativa kundër migrimit masiv do të miratohej edhe sot

Arsyetimi i të anketuarve është se ata janë të pakënaqur me numrin e madh të të huajve që jetojnë në Zvicër. Ka së tepërmi ose mjaft të huaj, thonë ata

1200 zviceranë të moshës madhore, nga pjesa gjermane dhe ajo frankofone janë pyetur në javën e parë të muajit maj se si do të votonin lidhur me “Migracionin masiv” në Zvicër nëse do t`u jepej rasti sërish. 52 për qind të tyre janë përgjigjur se vota e tyre do të shkonte në favor të iniciativës, dhe me këtë do të sigurohej sërish fitorja e saj, sikur në votimin e mbajtur më 9 shkurt të këtij viti.

Arsyetimi i të anketuarve është se ata vazhdojnë të mos jenë të kënaqur me numrin e madh të të huajve që jetojnë në Zvicër, shkruan “Schweiz am Sonntag”. Ka tepër ose mjaftueshëm të huaj, thonë ata.

44 për qind të pjesëmarrësve në sondazh do të votonin kundër ndërsa 4 për qind do të ishin të papërcaktuar.

Sondazhin e ka realizuar përmes pyetjeve online instituti Marketagent nga 30 prilli deri më 8 maj të këtij viti. Të anketuarit kanë qenë shtetas zviceranë të moshës 18 deri 69 vjeçarë.