Xhihadistët kërkojnë lirimin e Çëndrim R. në këmbim me 48 pengjet turke

Çëndrimi 23 vjeçar, i cili është rritur në Brugg të kantonit Aargau, në vitin 2011 qe dëbuar nga Zvicra si masë ndëshkuese për një numër veprash penale të kryera

I riu shqiptar i rritur në Zvicër, Çëndrim R., i cili bashkë me dy të tjerë është përgjegjës për vrasjen në një pritë të tre policëve turq që ka ndodhur në muajin mars, mund të ndërrohet me 48 të zënë peng në Konsullatën Turke në Mosul. Bashkë me të, do të liroheshin edhe d ersonat tjerë që ishin së bashku në pritë.

Kështu shkruan gazeta SonntagsZeitung duke iu referuar medieve turke. Organizata terroriste Isis është ajo që ka bllokuar konsullatën në fjalë dhe po vë kushte për lirimin e të zënëve peng.

Çëndrimi 23 vjeçar, i cili është rritur në Brugg të kantonit Aargau, në vitin 2011 qe dëbuar nga Zvicra si masë ndëshkuese për një numër veprash penale të kryera, si lëndim trupor dhe tentim plaçkitjeje me armë. Më vonë ai i është bashkangjitur luftëtarëve xhihadistë, konkretisht organizatës Sisi dhe kishte shkuar të luftonte në Siri në anën e tyre.

Deri më tash ai është duke shfrytëzuar të drejtën për të mos folur para autoriteteve turke. “Vetëm zotit i jap llogari”, ka thënë ai.

Ndërkohë, sipas medieve zvicerane Qeveria e Turqisë është në kontakt me pengmarrësit dhe ende nuk bëhet e ditur nëse kanë arritur ndonjë marrëveshje.